لعبة الصراحة(ممنوع دخول الكذابين)

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه أنت مااااااافي مجال أكيد بتقربيني لك تخيلي نفس التواضع اللي عندي لأنو أنا كمان كلي على بعضي بجنن ومافي مني هههههههههه
لأ عنجد أنا بالشخصية الكل بقلي عاطفتي الفظيعة مع قوة الشخصية
وبالشكل والله ما بعرف كلي باخد العقل خخخخخخخخخخخ

لك الله اكبر عالتواضع بس يا اختي يعني حلووووووووووين نكذب مثلا !!!!!!!!!
بس كانو جمالك وجمالي نساكي تكتبيلي سؤال ؟؟؟؟؟؟؟؟؟؟؟

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يا الله شو بتضحكيني من كل ألبي يا أم الشوش بتعليقاتك بس هوي تواضعنا نساني أسألك لو خيروكي بتتمني تكوني شب ولا بنت ؟؟؟؟

والله يا صديقتي لكون صادقة حسب تالمزاج
يعني كتير اوقات بتمنى كون شب واتحكم واطلع وفوت عكيفي وكتير اشياء بس انا ضمنيا لاء انا كتييييييييير سعيدة اني بنت ولو كنت شب فبتمنى لفترة مؤقتة وارجع بنت
وانت؟؟؟؟؟؟؟

والله ما بظن أنو في شب بالكون بتمنى يكون بنت إلا إذا كان شاذ ومريض ونحنا لو اخترنا نكون شباب كمان لح ينطبق علينا هالشي بس رغم ذلك أنا هلأ بحب شخصيتي وحياتي كبنت كتير وكمان ما بتمنى كون شب لحتى ما أنحرم من مشاعر الأمومة اللي بحلم فيا
لو كنتي محافظ مدينة دمشق شو كنتي بتعملي أول شي بالشام ؟؟

ههههههههههلاء عنجد اسئلتك رهيبة ولي والله لقلب الشام فوقاني تحتاني
لو كان ادامك جاط فواكه من كل الانواع وجنبه قالب كاتو وخيروكي بس واحد شو بتاخدي؟؟؟؟؟؟؟؟؟؟؟؟؟؟؟؟؟

المشكلة أنو أنا التنين عادي عندي بس بظن بختار الفواكه إذا كان فيه كل الأنواع
بس بدي أرجع أسألك شو أول شي بتعمليه لو حطوكي محافظ دمشق (أكتر شي بنرفزك بالشام وبتتمني تغيري يعني )؟؟

هلئ اولا السؤال انو كتير بيطلع بايده يعني المحافظ يعمل بالله
وتانيا والله بسعى اني صير رئيسة وزراء
وثالثا اكتر شي بيزعجني عنمجد السير والطرقات والركب .....يعني بغير كل اتلكوادر تبع الطرقات وبقيمها فوقاني تحتاني ولسه في تغيرات بس على انفرااااااااس
وانت ؟؟؟؟؟؟؟

أنا أول شي كنت بصدر قرار بالمخالفة (المالية) لكل مين بيرمي الوسخ بالشارع وبعمل جولات دائمة ومفااااااجئة لأحياء وشوارع دمشق ومعاقبة كل رئيس بلدية ما بكون الحي تبعو ملتزم بالقرار وعنجد قسماً بالله أنا مع العقوبات المالية الشديدة لأنو شعبنا ما بيرتدع إلا إذا قرب حدا عجيبتو ومصاريه .
لو ما كنتي شامية شو بتتمني تكوني ؟؟

من وين بتخرطلك هالاسئلة عنجد ما بتخيل كون غير شامية وما بتمنا غيرها بس يعني ممكن اتمنى كون تركية
وانت؟؟؟؟؟؟

أنا من اللادقية ولو ما كنت من اللادقية بتمنى كون من الشام أو من حمص بس المهمممم أني كون سورية والله كنت بقتل حالي لو ما كنت سورية خخخخخخخخخخ

لو انحطيتي بموقف أنو بتضلي يا مع زوجك يا أخوكي مين بتختاري ؟؟ والله ما بحب هالأسئلة بس اليوم سألوني هالسؤال بالشغل قلت بسألك ياه

هلئ بوقف يلي معه حق اولا
بس انا غالبا بوقف مع اخي بس بتكون القصة مزح طبعا
بس لكون صادقة الحمد لله دائما هنن تنين واقفين ضدي الحمد لله
وانت شو جاوبتي؟؟؟؟؟؟

هوي أساساً ما كان السؤال إذا في مشكلة بيناتهن مع مين بوقف لأنو أكيد لح وقف مع صاحب الحق متل ما قلتي بس كان السؤال عمومي بمعنى إذا خيروكي تضلي مع واحد منهن للأبد بدون التاني ؟؟؟ والله أنا قلتلهن إذا بحبو لزوجي أكيد لح أختارو ألو للعمر كلو رغم أنو موقف فظيع وكارثي .
طيب إذا خيروكي بين زواج سعيد وناجح بس بدون أمومة وولاد ولا طلاق وأمومة وعدم زواج للعمر كلو ؟؟ بعيد الشر عنك مرة تانية بس والله كلها أسئلة تناقشنا فيها مبارح .

يعني قصدك اني كون امراة مطلقة مع اطفال ولا سعيدة بدونهم
عنجد لااااااااا اجابة بتمنى كون كتير سعيدة وما انحرم من الامومة لاني بعشق الاطفال
بين خاطب بيعشقك وبموت عليكي بس لا يملك فلس وبين اخر عادي وزنكييييل؟؟؟؟؟؟؟

مممممممممممم هلأ التاني من سابع المستحيلات فكر فيه بس الأول يعني اللي بموت فيي إذا أنا كمان كنت بحبو فمنحاول بأي وسيلة لحتى يطور وضعو وتتحسن أمورو سواء بشغل معين أو بالسفر ومنصبر سوى لحتى تتحسن أحوالو المادية وقتها بس ممكن نتزوج أما إذا كان مافي مجال تتحسن أحوالو لأجل غير مسمى ولظرفٍ ما فوقتا أكيد لح أدعس عمشاعري ومستحيل أتزوجو ودمر حياة أسرة بكاملها وأحرم ولادي من أنهن يعيشوا بأمان ويتمتعوا بحياتهن لأنو بالفعل متل ما قال الإمام علي كرم الله وجهه : لو كان الفقر رجلاً لقتلته .
وأنت ؟؟

والله بعد تجربتي المريرة عفوا السعيدة فانا معك برايك اذا وضعه كتير زفت لانو الحب لحيموت من ورا الفقر والحاجة (العفو)ولحيتحول بغيمة سودا خالية حتى من الحب
وانو يكون عادي وزنكيل فانا بقصد انو خطبة تقليدية فليش لاء اذا كان مواصفاته هي طلبي بصراحة صار عندي قناعة انو الحب ممكن يجي بعد الزواج وعنجد بكون صادق اكتر بكتيييير من الحب يلي لا يتوج بالزواج لانو رب العالمين بيزرعوا بقلبنا
المكياج ولا المكياج؟؟؟؟؟؟؟؟

أنا بس حابة قلك رأيي أول شي بنفس الموضوع السابق أنو أنا ضد تماماً فكرة أنو الحب بيجي بعد الزواج ممكن يصير تأقلم أو تعايش والواقع كلووووو على الإطلاق هيك بقلك يا أم الشوش لأنو مجتمعنا غالباً قائم عالخطبة التقليدية و معظم المتزوجين عايشين حالة (تعايش) مو أكتر بمعنى أنو هالجازة( قضاء وقدر) وهاد شي عم نشوفوا رؤيا العين يومياً بس الحب نادر جداً بين الأزواج لهيك أنا مستحيل فكر أرتبط بشخص لمجرد أنو فيه مواصفات والحب شي أساسي عندي مع عدم تغييب العقلانية طبعاً بالاختيار .
منرجع لسؤالك أنا مع حرية كل أنثى بهالموضوع بس أنا كشخص بحب المكياج الأنيق كتير بحسو بيضيف للأنثى انوثة و أناقة وبحسو كمان فن فيه إبداع فظيع .
كمان رجعت ونسيت أسألك وأنت ؟؟

وانا بصراحة بحب المكياج يعني اكيد مو ضده بس بصورة معقولة ورايقة
وانا متلك بحب الهادي جداااااااااااا
بتحبي خطيبك انشا الله يجبلك هدايا تياب؟؟؟؟؟

لك اشتقتلك اليوم وين طولتي أم الشوش ؟؟
والله أنا بحب يجبلي شو ما بدو هدايا بدو تياب ، دهب ، ورد ، لعب ، أكل ، كلوووووو بحبو هوي يأبر ألبي يجبلي وبس هههههههه

إذا سألتك معك بنوتة ولا صبي بتقليلي ؟؟ لك نياااااااااااااالك بكل الأحوال والله يحميه شو ما كان يا رب

حبيبة قلبي والله وانا اشتقتلك بس رحت اليوم اتفتلت مع امي شوي واول ما رجعت لعندك
لاء عادي معي معي معي ............بنووووووووتة غالبا بس ما اكدولي لسه
شو بتتمني يكون اول ولد؟؟؟؟؟

ما بتتخيلي أديش بمووووووت بالصغار وبحلم حلم باللحظة اللي لح صير فيا أم وأمسك ابني أو بنتي لهيك وحياة الله مو فارقة معي أبدا بنوتة ولا صبي وأنت عنجد نياااااااااااااااااااااااااالك وانشالله بتجيبي أحلى وألذ بنوتة بالعالم بس مو أحلى من بنتي ها هههههههههه
طيب شو حابة تسميا للبوبو القمر انشالله ؟؟

يارب يا ام البيس الله يكرمك ويبعتلك صبيان وبنات
والله ناوية البنوتة من قبل ما اتجوز سمي شام ووئام وكان الصبي وسام بس للاسف نصيبي كان انو زوجي وسام فالصبي يا محمد يا ياسر غالبا
وانت شو حابة تسمي ولادك ؟؟؟؟؟

يمكن ألتلك قبل بحب الأسماء العربية متل تيم ، باسل ، الليث ، جمان ، ريما يعني هاد اللي هلأ خاطر عبالي لأسماء ولادي .
شو أول ردة فعل منك بعد ما تتخانأي مع حدا ؟؟

بكل بساطة وصراحة وللاسف ببكي
بس طبعا بعد ما كون عصبت والتئمت بعدين البكا
وانت ؟؟؟؟؟؟؟؟؟ههههههه خليني انتقم منك شوي

والله أنا حسب الناس اللي متخانقة معهن يعني بشغلي أو برا البيت لو بموت ما ببكي أدام حدا بالعكس منين بتجيني القوة وبكبت دموعي وبتوازن ما بعرف بس ببين عليي أني معصبة غالباً.
أما بالبيت بفوت عغرفتي يا أما ببكي يا باكل هههههههههههه

شي مرة عصبتي كتير وكسرتي أو زتيتي شي أدامك ؟؟ خخخخخخخخ اعترفي

يييييييييي لاء بس والله غالبا بتمالك حالي وبكتب وقت عصب وواحيانا بشقشق ورق ليوم الورق وبضرب بالمخدو او التخت بس ما بكسر شي
وانت لانو عجبني السؤال ؟؟؟؟؟؟

أي والله بزماني عصبت كتييييير وكنت بعز شغلي آم من كتر مو جدبة تركت كلشي حوليي وتفششت بموبايلي شلفتو آم صار مدري كم شقفة بس بالبيت عندي طريقة خاصة بفش الخلق بحط راسي بالمخدة وبصرخ هههههههههههههه جربيا وشوفي شو بترتاحي
كم مرة بحياتك حسيتي أنك كرهانة حالك ؟

والله معك حق جربتها عنجد بنختنق البكوة هيك
يالطييييييييييييييييييييييييف شو كرهت حالي يازلمة رهيبة مع اني ما بنكره بس زمن عاطل
لما تعصبي ممكن تدعي وتسبي على يلي مدايقك؟؟

بصراحة وبدون كزب وبلا لف ودوران وبلا طول سيرة خخخخخخخخخخخ أيييي والله بدعي وبسب بس عالغريبين بصراحة وأكييييييد مو أدام الشخص لأنو ما بحب هالأسلوب بالتعامل نهاااااائيا مستحيل ألجأ لهالأسلوب بس لما بروح بنزل سب فيه بقلبي ههههههههه بس والله تفشيش
وأنت ؟؟ خخخخخخخخ ألتيلي بدك تنتقمي مني مو

ماشي الحال
وانا كمان بصراحة وبدون كذب ولف ودوران يييييييييييييييييييييييشو بس وبدعي وبكره اذا بدك بس بعد لحظات عنجد بروق وبرجع بحب
اذا حدا غالي جرحك (يعني كذب عليكي مثلا )شو بتعملي ؟؟؟؟؟؟

فورا بحكي معو وبتناقش وبسأل وبلوم وبعاتب وممكن أبكي حسب الموقف بقا، وبعدين يا أما ببعد لفترة أو إذا الشخص التاني عم يعتذر كتير وبصدق وندم بتجاوز القصة وما بحملا كتير
بس باختصار حسب كل موقف وطبيعة الكذبة
وأنت ؟؟

ايواااااااااااا
والله انا تعرضت لهالموقف وكتير بكيت وعصبت ودايقت صديقتي ومتل ما قلتي تركنا بعض وخلص على اساس ما عاد فينا نثق ببعض بس ما رنا نطول عنجد اشتقنا ورجعنا وسامحنا وضمينا بعض بس عطينا بعض بالاول فرص نقدر قيمة بعض ونتاكد من مشاعرنا
اذا غلطت حماتك بكرة بحقك شو بتعملي ؟؟؟؟؟؟

والله سؤال صعب بس بتخيل حالي أني لح مرقلا كتير في حال هيي كانت هيك ولأنها أم زوجي وكرمالو فقط لح أتركلو هوي مهمة أنو يحط حدود لتصرفاتا معي و يعالج مشاكلا لأنو في حال اصطدمت معها ولو بمواقف صغيرة لح تتضخم المشكلة والحساسيات ، وزوجي اللي ما بتسامح معو نهائياً إذا سكتلا وتهاون بحق كرامتي وراحتي .
قولي قري اعترفي أنت شو بتساوي طيب ؟؟؟؟؟؟؟؟؟؟؟؟؟؟؟؟؟

شو أبو سمرة صرنا بالحماية والكنة..... حاسس حالي بباب الحارة.....ايمتا بدو يصير دورنا ونحكي علا حماتك وحماتي..... يلحقني فيها