لعبة الصراحة(ممنوع دخول الكذابين)

ما حدا
انتي ؟

مين غيرو وسام
شو اخر شي دايقك ؟؟؟

مديري الغليظ بالشغل كلفني بشغلة ما بطيقا
شو الشي اللي بتندم عليه بحياتك ؟

والله بندم على كتير شغلات بلحظتها بس حاليا مافي شي محدد
مين الشخص بحياتك يلي ما فيك تعيش بدونه ؟؟؟؟

ولي شو صعب هالسؤال لأنو أنا بابا وماما وأخواتي وولادهن كلن كلن يمكن بموت إذا صار لحدا منهن شي .

وأنت ؟؟

الله لا يحرمك منهم ويخليلك ياهن كلهن
انا والله مو كتير كتار يعني ابي وامي واخي وزوجي وصديقتي هدول ما في عيش ابدا بدونهم بس اكيد في كتير اشخاص غالييين
شو اكتر شي جرحك بهالحياة ؟؟؟

أنا بعتقد أنو الجرح الشخصي المفروض يجي بس من الأشخاص اللي منحبهن ومنتفاجأ بإساءتهن لأنو الغريبين حتى لو أساؤولي بكون شي متوقع فمو اسمو جرح أبداً والحمدالله ما تعرضت لسه لجرح شخصي بس اللي عنجد بشكل عام بجرحني من جوا وبعاني منو دائما هوي أني مضطرة جامل الناس السيئين اللي حواليي من كتر مو صاروا كتار مادام هني ما أساؤولي شخصياً على الرغم من أنهن ممكن يكونوا أحقر الناس .
وأنت ؟؟

والله انا انجرحت اكتر من مرة ومتل ما قلتي ما فينا نسميه جرح غير اذا كان من اشخاص غاليين وانا فعلا تعرضت من شخص كتير غالي على قلبي لاكبر جرح
شو اكتر مكان او شي او موقف او شخص بتكوني سعيدة لما بتكوني معه ؟؟؟؟

عم تصعبيها لأسئلتك أم شامو يعني بقدر مثلاً قلك أنو أنا لما بمشي بالشام القديمة بحس بمشاعر رائعة وغريبة ما بعرف إذا اسما سعادة ومن النواحي التانية ما عندي شي محدد يعني حسب المزاج والظرف .
وأنتي ؟؟ هي جكارة فيكي هههههههههههههههه

والله لحتاكلي اتلة انت وسامر انا بسال وهنن بعيدو السؤال ...لسه وانت وانت ؟؟؟؟
انا بكون كتير سعيدة لما بكون مع صديقتي وبشعر بحالي مرتاحة ووين ما كنت معها تحديدا اذا بمكان رايق وهادي
عشتي قصة حب وكم مرة ؟؟؟؟؟؟

لأ ما عشت قصة حب بس مريت بتجربة إعجاب مو أكتر من طرفي وحب من الطرف الآخر
أمممممممممممممممممم طيب وأنتي أم الشوش هاتي لنشوف ؟؟ ومستعدة للأتلة

هلئ في كتير قصص بس ولدنة وتفاهة يعني بالثانوي بس بجد اني عشت قصة حب من طرفين يا حسرة ابدا يا انحب يا حب بس كلها جدبة مو اكتر (لحد ما اعترف زوجي بحبه الي وخلصنا )
شو اكتر شي بتكرهي بشخصيتك ؟؟؟؟؟؟

عقولة الفنانين طيبتي الزايدة هههههههههههههههههه لا عم أمزح
أكتر شي بكرهو بحالي لامبالاتي الفظيعة بحق صحتي عنجد بكرها بس عبثثثثثث
وأنتي ؟؟ هههههههههههههههه

انا قلت من قبل انو حساسيتي الزايدة بروح عحالي كتير شغلات
وانت ؟؟؟؟؟؟؟

أكتر شي بكرهو هو نفسو أكتر شي بحبو وللي هو طيبة قلبي الزايدة




وأنت

يييييييييييي على وانت وما حجاوب ها...
شو اكتر شي زعجك اليوم؟؟؟؟؟

أنو كتير كان ممل اليوم شغلي الصبح

لو طلعلك المارد وقلك طلبي طلب وحيد بس طلب شو بتطلبي ؟؟

بطلب انو الله يحميلي يلي ببالي وشوفوا باحسن خلقة
اذا سالتك شو بتشتغلي بتقليلي ولا لاء ؟؟؟؟؟

طبعا بقلك سأليني ههههههههههه أنا بشتغل بمهرجان دمشق السينمائي
إذا سألتك بتتمني تشتغلي برا البيت بتجاوبيني ولا لأ وبأي مجال

اي والله كتييييير بتمنى اشتغل بصراحة ياريت وناوية يعني ومتمنية بقطاع خاص يعني بشي شركة
اذا سالتك اديش بتقبضي بتجاوبي .....ههههههه عم امزح اكيد
كم اخ واخت انتو بالعيلة الكريمة ؟؟؟؟؟؟

دخيلووووووو الموجب ههههههههههه مألذك قال بالعيلة الكريمة
نحنا شبين أكبر شي وبعدهن خمس بنات وأنا الفصعونة فيهن خخخخخخخخ وبالنسبة للراتب ما حقول أدام الكل بخاف عحالي من شي طرقة عين هههههههههه عم بمزح ها

شو أحلى قرار اتخذتي بحياتك؟؟

الله يخليكم لبعض يارب
والله يا صديقتي ما في ولا قرار كتير حلوة اتخذته لهلئ وعجبني (خليها لربك )
يعني بس ارتباطي بزوجي نوعا ما افضل قرار ههههه
كيف علاقتك باخواتك الصبيان ؟؟؟؟؟؟

ههههههههههههههههه الصبيان عمرهن 38 و 39 سنة بس بجننو صحبة كتيييييييير مو شوي وما بحس بفرق العمر بيناتنا نهااااااااائيا يمكن لأنو شكلهن وروحهن كتير شباب .

بتتمني يكون عندك أخوات أكتر؟ وبنات ولا شباب

والله كتييييييييييييييييييييييييييييييييييييييييييييييييييييييير بتمنى وياريت من النوعين
يعني بنات وشباب بس بتمنى اكتر لو بنت لانه ما عندي يعني لو يصير عندي اخت لك اه والحمد عندي اخ بعشرين اخ معوض ما شا الله مجنني
بتحسي انو ممكن تفرقي بالمحبة بين اخواتك البنات ؟؟؟؟

بالمحبة لأ كلهن بموت فيهن بس متعلقة بأختي الي بعدي فيفي وأختي الكبيرة بمعنى ما بقدر بعد عنهن أكتر من التنين التانيات.

جاي عبالي كون شريرة وأعمل دأ ندالة وأسألك بتتمني يكون بدل سامر أخت هههههههههه عنجد بصراحة احكي وبيني وبينك ها خخخخخخخخخخ

اول شي لاء عسلامتك طبعا
والله العظيم ابدا ابدا ما بتمنى انو تكون بنت بدل سامر وبالعكس بحمد ربي يلي عندي اخ ...انو حس في شب ورايي غيروالحمد لله عنجد اخي معوضني شوي يعني فعلا بحكيله كل شي وما بخبي عليه ولا شي
وعنجد الله لايحرمني منه وليييييييييييييييييييييي ما بقدر عيش بدونه ابدا والله
طيب سؤالي صورة مين هي يلي انت حاططتيها ؟؟؟؟؟؟؟؟؟

ما بتخبي عليه شي !!!!!! أييييييييي سدأتك سدأتك خخخخخخخخخخ
عرأي عادل الإمام ( أنا عارفة يختي ) ما بعرفا بس وشا مو غريب علي ههههههههههههههههه
شو أكتر موقف صار معك بحياتك بتكرهيه ؟؟؟؟؟؟؟؟؟ يا ريت تشرحيلي بالتفصيل ههههههههههههههه عم أمزح

ياعين لاء عنجد والله ما بخبي عليه شي ابدا حتى احرج المواقف واصعبها كان عنده علم اول واحد
يييييييييييي موقف واحد بدك (وبدك خبرك بالتفصيل اي ما بخلص لبكرة )خلص ببقا بيني وبينك بحكيلك
بس في مواقف بصراحة بالجامعة كتير بشعة وفي مواقف عائلية وفي مواقف خاصة جدا
شو طلباتك بفارس وعريس المستقبل ؟؟؟؟؟؟؟؟؟

الشي اللي ما بتغاضى عنو نهاااائيا أنو يكون في بيناتنا عشق وحب من الطرفين وهالحب من جهتي مستحيل يخلق تجاه شخص ما عندو أهم صفات على الإطلاق بالنسبة ألي الأخلاق و خصوصاً(الشهامة) والثقافة العالية والمتميزة والاستقلالية التامة بكل أبعادا للكلمة هدول رقم واحد عندي ومن بعدا بيجي الحالة المادية المريحة لحتى أمن لولادي حياة كريمة أهم شي والشكل طبعا بهمني أنو يكون شكلو رجل مو سرنوك ونحيف ومنطوط ههههههههههههه ولييييي من وين بدي جيب هيك شريك للمستقبل

شو مشان حاسة حالي بمنتدى (أبحث عن زوج) ههههههههههههههههههه وفوقا نسيت أسألك بتعتبري أنو زوجك هوي فتى أحلامك إلى حد ما اللي كنتي بتتمنيه ؟؟؟ وفيكي تجاوبيني على انفراس عرأي أحمد حلمي خخخخخخخخ

خلينا على انفراس افضلي لانو هوووووووووووووون محضورة ؟؟؟؟؟؟!!!!!!!!!!!!!
هل تعلرضتي لشي اسمه خيانة بحياتك؟؟؟؟

الحمد لله ما تعرضت للخيانة من حدا نهائياً
وأنت ؟ ولا كمان على انفراس ؟؟ بس المشكلة وين بدنا ننفرس ؟؟

لا انا تعرضت للخيانة بس من صديقة وليس شب .....ما بيسترجي ولوووووو
شو اكتر صفة بتكرهي وجودها بعريس المستقبل؟؟؟؟

البخل والدم التقيل وليييييييييييي ما بقدر أتحملهن بأي شخص عوجه الكرة الأرضية وعالعكس ما بتتخيلي شو بتعنيلي صفة الكرم بأي إنسان بقا شلون بزوجي المستفبلي يعني بتمناه يكون أكرم من الكرم بذاتو عالقريب والغريب لأنو بحس الكرم بيطغى عأي شي إلا الدم التقيل هههههههه
وأنت ؟؟