لعبة الصراحة(ممنوع دخول الكذابين)

اول شي لاء عسلامتك طبعا
والله العظيم ابدا ابدا ما بتمنى انو تكون بنت بدل سامر وبالعكس بحمد ربي يلي عندي اخ ...انو حس في شب ورايي غيروالحمد لله عنجد اخي معوضني شوي يعني فعلا بحكيله كل شي وما بخبي عليه ولا شي
وعنجد الله لايحرمني منه وليييييييييييييييييييييي ما بقدر عيش بدونه ابدا والله
طيب سؤالي صورة مين هي يلي انت حاططتيها ؟؟؟؟؟؟؟؟؟

ما بتخبي عليه شي !!!!!! أييييييييي سدأتك سدأتك خخخخخخخخخخ
عرأي عادل الإمام ( أنا عارفة يختي ) ما بعرفا بس وشا مو غريب علي ههههههههههههههههه
شو أكتر موقف صار معك بحياتك بتكرهيه ؟؟؟؟؟؟؟؟؟ يا ريت تشرحيلي بالتفصيل ههههههههههههههه عم أمزح

ياعين لاء عنجد والله ما بخبي عليه شي ابدا حتى احرج المواقف واصعبها كان عنده علم اول واحد
يييييييييييي موقف واحد بدك (وبدك خبرك بالتفصيل اي ما بخلص لبكرة )خلص ببقا بيني وبينك بحكيلك
بس في مواقف بصراحة بالجامعة كتير بشعة وفي مواقف عائلية وفي مواقف خاصة جدا
شو طلباتك بفارس وعريس المستقبل ؟؟؟؟؟؟؟؟؟

الشي اللي ما بتغاضى عنو نهاااائيا أنو يكون في بيناتنا عشق وحب من الطرفين وهالحب من جهتي مستحيل يخلق تجاه شخص ما عندو أهم صفات على الإطلاق بالنسبة ألي الأخلاق و خصوصاً(الشهامة) والثقافة العالية والمتميزة والاستقلالية التامة بكل أبعادا للكلمة هدول رقم واحد عندي ومن بعدا بيجي الحالة المادية المريحة لحتى أمن لولادي حياة كريمة أهم شي والشكل طبعا بهمني أنو يكون شكلو رجل مو سرنوك ونحيف ومنطوط ههههههههههههه ولييييي من وين بدي جيب هيك شريك للمستقبل

شو مشان حاسة حالي بمنتدى (أبحث عن زوج) ههههههههههههههههههه وفوقا نسيت أسألك بتعتبري أنو زوجك هوي فتى أحلامك إلى حد ما اللي كنتي بتتمنيه ؟؟؟ وفيكي تجاوبيني على انفراس عرأي أحمد حلمي خخخخخخخخ

خلينا على انفراس افضلي لانو هوووووووووووووون محضورة ؟؟؟؟؟؟!!!!!!!!!!!!!
هل تعلرضتي لشي اسمه خيانة بحياتك؟؟؟؟

الحمد لله ما تعرضت للخيانة من حدا نهائياً
وأنت ؟ ولا كمان على انفراس ؟؟ بس المشكلة وين بدنا ننفرس ؟؟

لا انا تعرضت للخيانة بس من صديقة وليس شب .....ما بيسترجي ولوووووو
شو اكتر صفة بتكرهي وجودها بعريس المستقبل؟؟؟؟

البخل والدم التقيل وليييييييييييي ما بقدر أتحملهن بأي شخص عوجه الكرة الأرضية وعالعكس ما بتتخيلي شو بتعنيلي صفة الكرم بأي إنسان بقا شلون بزوجي المستفبلي يعني بتمناه يكون أكرم من الكرم بذاتو عالقريب والغريب لأنو بحس الكرم بيطغى عأي شي إلا الدم التقيل هههههههه
وأنت ؟؟

اكتر صفة بكرهها الدباجة واللئم والانانية ولييي وصفات كتير
بس والله كمان يكون الكرم الزايد والله بشع يا حبيبتي
شو اكتر اسم شب بتحبيه واكتر اسم بنت ؟؟؟؟؟؟؟

غير أسماء ولادي اللي مخبيتهن منشان ما حدا يلطشلي ياهن وخصوووووصاً أنتي خخخخخخخخ لأ عنجد مافي اسم محدد بس بحب اسم تيم و بِشر وباسل و زينة وكندة وصبا و جمان وريما (مو جمانة وريم ها ههههه ) بحب بس الأسماء العربية أنا
شو الشي اللي لا يمكن تغفريه لحدا ؟؟

كنت احكي دوما انو الخيانة والكذب بس للاسف احيانا بتكون المحبة والغلا فوق كلشي حتى حالك وزعلك فمن بعدها مافي شي مستحيل انو سامح عليه (الدنيا ابسط من هيك )
وانت؟؟؟؟

أنا كنت قول وما زلت أنو أنا بغفر أي شي في حال اعترف الشخص اللي أذنب بذنبو وحس فيه بصدق وحاول بكلللللل طاقتو يصلح هالذنب ويمحيه ( إلا ) خيانة الشريك لا تغتفر بالنسبة ألي .
ممكن تغفري لزوجك خيانتو ألك بنزوة عابرة ؟؟؟
بدي ضيف أنو أكييييييييييد بعيد الشر عن حياتكن وانشالله بضل زوجك بحبك ومخلص ألك لآخر لحظة يا رب

والله الحكي كتير سهل وانا بصراحة ممكن قول انو انا كل شي الا الخيانة يعني انو زوجي يحب علي او يخوني انا مستحيل سامحه
بس ما بعرف وقتها كيف بكون تفكيري .......
ممكن تعترفي لزوج المستقبل بعلاقاتك او حبك قبله؟؟؟؟

أكييييد لح أحكيلو عن أي تجربة حب سابقة لأني في حال مريت بأي تجربة حب لح كون فخورة بهالتجربة كتير لأنها جزء من حياتي ولما لح أرتبط لح ضل فخورة فيها (كتجربة فقط) أغنتلي حياتي وشخصيتي وقناعاتي متل أي تجربة أخرى مريت فيها غير الحب لكن من ناحية المشاعر أكيد حتكون منسية تماما و كون بس للإنسان اللي لح أرتبط فيه وفي حال كان من الأشخاص اللي ضد حق المرأة كالرجل بالحب( وليس بالعلاقات العابرة المتكررة الخاوية متل ما عم يصير هلأ )فهاد شخص أنا أصلا ما لح أقبل أرتبط فيه .
هل كنت بتتمني تعيشي تجربة حب قبل الزواج ؟؟ وبصدق

يا الله شو هالاسئلة المحرجة هي (ما بتعرفي انو المنتدى محضووووووور )
وليش لحتى اتمنى ؟؟؟؟؟؟؟؟؟؟
شو اكتر شي ممكن يجرحك ؟؟؟؟

خنجر غدر بضهري من حدا كنت مفكرو سند ضهري


وأنت

أكتر شي بيجرحني منظر إنسان عم ينهان وينذل قدامي وبحضوري وخصوصاً إذا كان (رجل)
بعدين بالنسبة لسؤالك أم الشوش أنو ليش لحتى تتمني ؟؟؟ فهاد الجواب بيختلف من شخص لآخر بس غالباً لأنو الإنسان بحب يعيش هالمشاعر التي يقال لها (عشق) لأنو إذا كانت صادقة وحقيقية بتغني النفس والفكر كتيييييير وبذكر أنو في حدا قلي أنو كان بيتمنى يعيش تجربة الحب منشان يعرف شلون يتصرف مع ولادو بهالحالة وما ينظِر عليهن فبرجع بقلك هاد شي شخصي .
في شي مرة كرهت حدا وتمنيت ألو الأذى لأي سبب كان ؟؟؟ بصراااااااحة

اولا فهمتيني غلط بسؤالي ليش لاتمنى مو تقليل من قيمة الموضوع ابدا
وانا قصدي والله انو مين قال اني ما عشت يعني مافي داعي اتمنى بس ما فيني قول قصة كاملة وعشق بكل معناه بصراحة
اما سؤالك فوالله كرهت عنجد اكتر من شخص بس بحياتي ما اجا من قلبي اني اتمناله الاذى بالعكس
بس اتمنى غيابه عن وجهي بس
مين الشخص يلي ممكن تبكي على صدره وتشكيله؟؟؟؟؟

أختي الأكبر مني فيفي و كمان رفيقتي المقربة متل أختي
شو الشي المعنوي ( الشخصي ) اللي بتحسي ناقصك بالحياة ؟؟

اشرحي شوي السؤال ووضحي مشان اعرف شو بدكم بالضبط
من وين بتخطرلك هالاسئلة؟؟؟؟

ههههههههههههههههههههههههه مألذك و تكرم عينك قصدي أنو الشي اللي بتتمني يكون عندك بشخصك وتمتلكيه بشخصيتك متل قوة الشخصية ، الحنان ، الإرادة الخ

يا الله يعني اذا بدي كون صريحة بخاف تفكريني شايفة حالي بس عنجد انا بمتلك كل شي مافي شي بتمناه...(هههههه عم امزح والله)
شو بتمنى ش بتمنى .........اني كون قادرة اني امتلك اعصابي اكتر من هلئ (يعني ما ابكي بسرعة)
وانت؟؟؟؟؟؟؟

أنا عندي معانااااة مع فيض العاطفة اللي عندي اتجاه كل شي حتى الأماكن والأشياء الصغيرة والتفاصيل اللي بحبا لهيك بتنقصني القدرة عضبط تأثير هالعاطفة على شخصيتي .

شو أجمل شي فيكي بالشكل وبالشخصية ؟؟

هههههههههههههه يا الله مصممة تخجليني شو بدي احكي لاحكي هلئ بالشمخصية بقولولي حنيتي وعفويتي (كانو يقولوا براءتي بس بطلوا ما بعرف ليش)؟؟؟؟؟؟؟؟؟
بس بالشكل ............ييييييييييي شو بقول كللك عبعضك حلو هههههههه
طيب انت جاوبي ؟؟؟؟؟؟؟؟؟

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه أنت مااااااافي مجال أكيد بتقربيني لك تخيلي نفس التواضع اللي عندي لأنو أنا كمان كلي على بعضي بجنن ومافي مني هههههههههه
لأ عنجد أنا بالشخصية الكل بقلي عاطفتي الفظيعة مع قوة الشخصية
وبالشكل والله ما بعرف كلي باخد العقل خخخخخخخخخخخ

لك الله اكبر عالتواضع بس يا اختي يعني حلووووووووووين نكذب مثلا !!!!!!!!!
بس كانو جمالك وجمالي نساكي تكتبيلي سؤال ؟؟؟؟؟؟؟؟؟؟؟

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يا الله شو بتضحكيني من كل ألبي يا أم الشوش بتعليقاتك بس هوي تواضعنا نساني أسألك لو خيروكي بتتمني تكوني شب ولا بنت ؟؟؟؟

والله يا صديقتي لكون صادقة حسب تالمزاج
يعني كتير اوقات بتمنى كون شب واتحكم واطلع وفوت عكيفي وكتير اشياء بس انا ضمنيا لاء انا كتييييييييير سعيدة اني بنت ولو كنت شب فبتمنى لفترة مؤقتة وارجع بنت
وانت؟؟؟؟؟؟؟

والله ما بظن أنو في شب بالكون بتمنى يكون بنت إلا إذا كان شاذ ومريض ونحنا لو اخترنا نكون شباب كمان لح ينطبق علينا هالشي بس رغم ذلك أنا هلأ بحب شخصيتي وحياتي كبنت كتير وكمان ما بتمنى كون شب لحتى ما أنحرم من مشاعر الأمومة اللي بحلم فيا
لو كنتي محافظ مدينة دمشق شو كنتي بتعملي أول شي بالشام ؟؟

ههههههههههلاء عنجد اسئلتك رهيبة ولي والله لقلب الشام فوقاني تحتاني
لو كان ادامك جاط فواكه من كل الانواع وجنبه قالب كاتو وخيروكي بس واحد شو بتاخدي؟؟؟؟؟؟؟؟؟؟؟؟؟؟؟؟؟

المشكلة أنو أنا التنين عادي عندي بس بظن بختار الفواكه إذا كان فيه كل الأنواع
بس بدي أرجع أسألك شو أول شي بتعمليه لو حطوكي محافظ دمشق (أكتر شي بنرفزك بالشام وبتتمني تغيري يعني )؟؟

هلئ اولا السؤال انو كتير بيطلع بايده يعني المحافظ يعمل بالله
وتانيا والله بسعى اني صير رئيسة وزراء
وثالثا اكتر شي بيزعجني عنمجد السير والطرقات والركب .....يعني بغير كل اتلكوادر تبع الطرقات وبقيمها فوقاني تحتاني ولسه في تغيرات بس على انفرااااااااس
وانت ؟؟؟؟؟؟؟

أنا أول شي كنت بصدر قرار بالمخالفة (المالية) لكل مين بيرمي الوسخ بالشارع وبعمل جولات دائمة ومفااااااجئة لأحياء وشوارع دمشق ومعاقبة كل رئيس بلدية ما بكون الحي تبعو ملتزم بالقرار وعنجد قسماً بالله أنا مع العقوبات المالية الشديدة لأنو شعبنا ما بيرتدع إلا إذا قرب حدا عجيبتو ومصاريه .
لو ما كنتي شامية شو بتتمني تكوني ؟؟