اختار بين الاثنين : ......

والله أنا عندي دبدوب واحد صرلو عندي من لما كان عمري سبع سنين لونو زهري وأبيض بحبو كتييير وخسا كللللل الدباديب من بعدو هههههههههههههههههه بس أنو شو خطرلك هالسؤال هههههههههههه
وأنت ؟؟

والله مبارح لانو جوزي جايبلي كلب رمادي ابدا مو حلو بس حرام الو حركات حلو فكنت عم طلع عليه وقت سالتك واتذكرت
انا عندي دبدوبة بنية كتييييييييييييير غالية عقلبي اسمها تالا
بس انا بحب من جديد البني والبيج
سيران مع رفقاتك ولا بنات خالاتك وعماتك؟؟؟

لا أكيييييييييييد مع رفقاتي
بتحبي زوجك يهديك دباديب وألعاب لذيذة ولا ورد أكتر شي ؟؟

والله حاليا لاهي ولا هي بتمناه يا يعطيني شندي يعني مني فلوس
يا اما يشتريلي قطعة ذهب مرتبة وخلصنا شوهاااااااااد....!!!!والورد وانا مخطوبة كنت كتير حبه بس هلئ ماعاد خرط مشطي
انت شو اكتر شي بتحبي خطيبك يجبلك ياه ؟؟؟؟؟

أنا بشكل عام كتير عاطفية لهيك بيسحرني الورد كتيييييييييير و اللفتات الشفافة غير المتوقعة شو ما كانت بس باللحظة المناسبة مو أيمتا ما كان، بس كمان بقلك أنو أكيد بحب يدللني بالهدايا حسب استطاعتو وكمان شو ما كانت .
حفلة عرس ولا شهر عسل ؟؟؟؟؟

ياريت التنين بس اكيد اكيد انا ما بستغني ابدا عن حفلة العرس والفستان
وانت؟؟؟؟؟؟

وأنا كمان مستحيل أستغني عن الفستان الأبيض وفرحة أهلي فيي يوم عرسي واللي ما لح تتعوض ولا بأي يوم تاني بالعمر
الخطبة الكبيرة والعرس الصغير ولا بالعكس ؟؟؟

شو يعني كبيرة قصدك حفلة العرس
لاء اكيد بتمنى عرس كتير كبير ولو الخطبة صغيبرة
شهر عسل ولا قطعة ذهب تقيلة ؟؟؟؟؟؟

لا هي ولا هي


بين بطيخ أصفر وبطيخ احمر

لك انت شو جابك لهوووووووووون مو شايفة قعدت نسوان
اكيد والله كنت حب البطيخ الاحمر اكتر بس حاليا كتير بحب التنين والله
بين باب الحارة الجزء التاني ولا الرابع؟؟؟؟؟

هههههههههههههههههههههههههههههههههههههههه يحرأ ديبك يا أم الشوش ألتيلي قعدة نسوان ههههههههههههههههههههههههههههه ضحكتيني من كل ألبي
الجزء التاني أحلى بكتير من الرابع
باب الحارة ولا ليس سراباً ؟؟

ما حبيته ابدا لليس سرابا
ستار اكاديمي ولا سوبر ستار ؟؟؟؟؟؟؟؟

سوبر ستار، بس هالجزء من ستار أكاديمي حلو فيه سوريين لذيذين

سياحة بإسبانيا ولا بأميركا ؟؟

اكيد باسبانيا كتيييييير متمنية بصراحة
مطعم كلاسيكي ولا مطعم عربي متل البيوت القديمة ؟؟؟؟

أكييييد مطاعم البيوت العربية القديمة و ما بروح عالمطاعم الكلاسيكية غير مع أهلي
سيارة خاصة أحدث موديل بتختاريه ولا رصيد بالبنك بس بنص قيمة السيارة ؟؟ خخخخخخخ يا ريييييت

لاء حلمي وامنيتي ومنى عيني يصير عندي سياااااااااااارة لك اه
تعيشي براس الجبل ولا بقرب البحر ؟؟؟؟؟؟؟؟

أني عيش بشكل دائم ما بتمنى عيش غير بالشام بس إذا فترات معينة بتمنى بقرب البحر لأنو البحر ألو خصوصية فظيعة عندي .
بما أنك متلي بتموتي بالسيارات شو بتختاري بي إم دبليو ولا آودي ؟؟؟

انا بصراحة ما كتير بدقق بس بتمناها تكون كشف وبفضل الاودي اكتر وبحب الجيمس كمان كتير
بتفضلي لون سيارة فاتح او غامق (ما احلانا انا وانت تقولي وقفنا على لون السيارة )؟؟

ههههههههههههههههههههههههههه خلينا عم نحلم إلا ما يتحقق الحلم بتعرفي والله اشتهيتلك سيارة رااااااااااائعة شفتا هداك اليوم بطلعة المالكي بيجو كشف ولونا لا أحمر ولا خمري يعني لون عنجد بجنن رغم أني ما بحب البيجو بس هي عنجد بتجنن فشو رأيك بالموضوع ؟؟ فكري فيا هههههههههههههههه
أما من جهتي فبحب الآودي السودا ليكي لا تحاولي تقنعيني بغيرا لا أرضى بديلاً عن الآودي السودااااا
البيت اللي ألوانو العامة بني ولا أبيض ؟؟

والله انا موافقة حددي اليوم والساعة يلي بدك يانا نعمل اغارة عالسيارة ونسرقها (عفوا نجربها )وانا جاهزة
وبالنسبة للالوان انا بحب البني كتييييروانت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله أفكارك الإجرامية خرطت مشطي تماااااااام منبقى منحكي على انفراس ومنشكلس الأمور ههههههههههه
أنا بحب البني كتير بس بحسو كلاسيكي كتير كمان لهيك بتمنى أعمل ديكور بيتي ملون بس ألوان مريحة مو فاقعة متل ألوان الموضة المزعجة هلأ
غرفة نوم خشب ولا معدن موديرن ؟؟

لاء خارطة مشطي هلئ كتير المعدن وحتى يلي بتلاقيها كلها قماش حتى ولا اروع
نسكافيه بحليب ولا سادة؟؟؟

والله أنا النسكافيه كلها ما بحبا بس إذا شربتا بشربا مع حليب طبعا وسكر متل الصغار
القهوة العربية المرة ولا التركية ؟؟

والله انا مع القهوة بكل احوالها المرة والسادة والحلوة التركية والبرازيلية
وانت ؟؟؟؟؟

أنا الحمدالله مع كلشي بضر صحتي وأولهن القهوة وكمان متلك بكل حالاتا باستثناء النسكافيه ما بحبا وأنا كتير بحبا للعربية بس كل فترة وفترة أما التركية ما بستغني عنها ولا يوم
شفتيلي هالشرح الدقيق ههههههههههههههههههههه

القراءة ولا التلفزيون ؟؟

ههههههههههه
شو المقارنة الرهيبة حرااااااااااام عليكي انا بحب اقرء بس بمل بسرعة مشان هيك بقضي وقت اكتر عالتلفزيون من الراءة (واكيد المزاج بيدخل بالمعادلة )كيف شرحي والله انا وانت طنجرة ولقت غطاها
الرقص الاجنبي ولا الشرقي ؟؟؟؟؟؟كيف عم نوع بالاسئلة

ههههههههههه ليكي ليكي الله واحد أنا بدي كون الغطا وأنتي الطنجرة خخخخخخخخخخ
أنا بحب أنواع من الرقص الأجنبي مو كلو متل الفالس والتانغو بحس حركاتو وانفعالاتو كتير راقية وكلا إبداع أما الرقص الشرقي فقلييييييييل كتير ما شفت شي راقصة موهوبة عجبني أدائا وكتير بحسو رقص مثير للغرائز لهيك بنفرني غالباً .
وأنت أم الشوش ؟؟

بصراحة بس بوضعي هاد لحاقبل كون الطنجرة لانو موديلي هيك صاير بس طولي بالك علي كم شهر
وبالنسبة للسؤال فانا اني اتفرج بصراحة ما بطيق اتفرج ولا على شي لا اجنبي ولا شرقي
بس انا بحب الرقص الشرقي اكتر
بين عريس بيحكي كتير وعريس ما بتسمعي حسو؟؟؟؟؟

ولييييييي شو هالعرسان هدول التنين مستحييييل أتحملهن اللي بيلت وبيعجن كتير وبوجع الراس واللي بيقعد بجلسة متل الأهبل مالو حضورأو وجود
عريس حالتو المادية منيحة كتيييييير بس مو مثقف ولا عريس مثقف كتيييير وفهمان وحالتو المادية كتير عادية

لاء اكييييييييد مثقف وحالته عادي لانو معه معه بتصير حالته اكتر من ممتاز
بين عريس اشقر ولا اسمر؟؟؟؟؟

ما كتير بهمني إذا أسمر أو أشقر أنا بالشكل بحب الوش أهم شي يكون كتيرمؤثر و الطول والجسم القوي بس بشكل عام ما بيعجبني السمار الغامق ولا الشقار الفاتح كتير .

الجمال العربي ولا الجمال الغربي ؟؟

اكيد العربي
بين الصدق الكلي مع الزوج ولا الكذب والتخباية ؟؟؟؟؟

طبعاً مع الصدق الكلي و أهم أهم أهم شي بمرحلة الخطبة يعني هي المرحلة لازم يكون الصدق طاغي عكل شي بين الطرفين بس بعد الزواج بصراحة بحس أنو في نوع من الكذب الأبيض ممكن يصير بين الطرفين بمعنى أنو الضرر من التكتم عن موضوعات (صغيرة وعابرة) ممكن يكون أقل بكتير من الضرر والمشاكل اللي ممكن تصير في حال الصراحة ويمكن أنو هاد نوع من الحكمة رغم اني أكيد بجن إذا حسيت بكرا أنو زوجي خبا عليي شي ولو كان صغير هههههههههههههههه
لا تعصبي مني ها لأنو بدي أسألك وأنت ؟؟؟؟

انا بصراحة مع الصدق بس مافي داعي تكون كلية كلية الواحد بيضطر ببعض الاحيان ليمشي اموره بالتستر
تجيبي الخضرة والفواكه بايدك ولا حدا يجيبها ؟؟؟؟؟