هل انت مع ام ضد ؟؟؟؟؟؟؟

مسلسلات الكبار انو يعني ؟؟؟؟؟؟
انا بصراحة ضد انو الطفل يتفرج على على كل شي عم يطلع حاليا وخاصة دون مراقبة الاهل يعني لوحده
فالافضل اذا بدو يتفرج على اي شي يكون بوجود الاب او الام لانو عنجد عم تنزع ترباية الطفل
مع انو الشب يعيش لحاله بعد سن العشرين؟؟

طبعاً ضد مافي أحلى من العلاقة الأسرية القوية بس أنا مع أنو تتغير أصلاً طريقة التربية الخطأ كلها غالباً بمجتمعنا اللي بتخلي الولد ما يسدأ أيمتا يبعد عن أهلو .

مع أنو الزوجة تعيش مع بيت حماها أو العكس ؟؟

والله انا ما كتير مع وما بفضل مشان نضل حباب بس في حالات شوي خاصة يعني انو الاب متوفي او العكس فيعني ممكن شوي الواحد يتساهل
وانت ؟؟؟؟؟؟؟؟يا جكرك

ههههههههههههههههههه اطمني جكارة فيكي ما لح أتجاكر خخخخخخخخخخخخخ
وأنا بوافقك الرأي أنا مو مع تفادياً للمشاكل والحساسيات اللي أكيييييييييد لح تصير بين الكنة أو الصهر مع الأهل بس متل ما قلتي في حالات استثنائية .
مع عمليات التجميل ولا ضد؟؟

ضد وبشدة الا في حالات مرضية الله يعافينا لاني ما بشوفها عمليات تجميلية بل على العكس عمليات تخريببة
وانت يا حلوة ؟؟؟؟؟؟

أنا مع عمليات التجميل اللي بتحسن كتير من شكل عضو ممكن يكون مأثر على شكل وجمالية الوجه أو الجسم مثلاً متل عمليات تجميل الأنف ولأنو في كتير أشخاص هالعمليات بترفعلهن روحهن المعنوية والنفسية وهدول كتييييييييير شفت متلن بالواقع بس أنا مو مع المبالغة أو لمجرد الموضة .
مع ولا ضد أنو المرأة تورث نفس مقدار ميراث الرجل بحكم تغير الزمن والظروف؟؟

ضد لأن في قانون الهي اعطى المرأة حقها في الميراث وأعطى الرجل حقه
والله أدرى بحاجات الرجل وحاجات المرأة وقسم التركة لكل شخص حسب ما يستحق
مع وللا ضد تغيير اللباس المدرسي ؟

أنا كنت حب اللباس القديم وبتمنى يرجعوه لأنو يقال أنو إسرائيل كتير كانت تعتبرو مظهر مستفز جداً ألها وكأنو الأجيال الجديدة عم تتجند للحرب بالتياب العسكرية . بعدين من كتر مو مدارسنا بيلبقلا الألوان الفاتحة ما شا الله !!!!!!
وأنت ؟؟

وأنا كمان بحب اللبس العسكري
وبموت فيه أحلى من لبس الجدبان هاد
مع وللا ضد الارشاد النفسي بالمدارس؟

ضدددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددد


مع أو ضد السفر للدراسة

آآآآآآآآآآآآآآخ والله بهاالزمن اللي الدعارة صارت فيه جزء رئيسي من مجتمعنا بظن من الأفضل قوننتها لحتى يتسيطر عليها إلى حد ما أحسن ما تكون متل هلأ بكل مكان ومشاع ومو مسيطر عليها فعالأقل بتصير للعاملات والمرتادين فحوصات طبية دورية وسرية للحد من الأمراض الجنسية المنتشرة وما عم تنكشف أبداً.
وأنت ؟؟

انا مع السفر للدراسة للشب ومو كتير للبنت
مع علاقات الجيران الزايدة عن اللزوم؟؟

أبداً ما بحب العلاقات المنفتحة مع الآخرين زيادة عن اللزوم بهالزمن وبهيك مجتمع متل مجتمعنا

مع ولا ضد عمل الرجل بمهنة نسائية ؟؟

متل شو يعني ؟؟؟؟؟ بس ما كتير مع
مع افلام الاغراء المصرية الحالية (سمية الخشاب وغادة عبد الرزاق)

ماني ضد لأنو الفن لا يمكن تقييده بس أنا كشخص بكره المبالغة فيها متل مقاطع سمية وغادة وعنجد قرفت لما شفتهن كتير بس بحسا ضرورية ضمن حدود مقبولة أو يمكن هديك اسمها رومنسية مو إغراء

ضد ولا مع المدارس المختلطة في المرحلة الإعدادية والثانوية؟؟

اكيد ضد لانو هالعمر اصعب عمر والباقي عندك
مع تسمية البنت على اسمها جدتها ؟؟؟؟؟؟

أنا رأيي أنو الاسم من حق صاحبوووو فقط لهيك لازم الأهل يراعوا هالشي كتييير يعني إذا اسم الجدة أو الجد حلو ومناسب لمختلف الأزمنة مافي مانع أبدا يتسمى الحفيد عأسمهن لكن إذا كان قديم و مو عصري برأيي ما لازم ينظلموا الأطفال ويحملوا الاسم لأي سبب كان .

مع ولا ضد الإجهاض بأول مراحل تكون الجنين لعدم رغبة الأهل بالإنجاب مثلا وبتعرفي الحجة آآآآآآآل غلطة هههههههه ؟؟؟

يبعتلك الهنا يارب يا بيسو ..........قلتيلي غلطة ؟
لاء انا ضد بكل الاحوال والنواحي لانو الطفل اروع هدية من رب العالمين لازم نحطوا جوات العين
مع تبرع الاهل باعضاء الشخص بعد موته ؟؟؟؟؟؟؟

يمكن تكون فكرة التبرع قاسية علينا لأنو جديدة لكن أنا معها تماماً لأنو تخيلي كم من الناس لح تُنقذ حياتهن ولما بيحتاج حدا قريب ألنا بعيد الشر يا رب لحدا يتبرعلو بعضو منحس تماماً بمدى عظمة هالفكرة إذا تطبقت وحتى ديننا بوافق هالشي بما أنو الجسد فاني و زائل بكل الأحوال و أنا موصية أهلي بهالشي وبتمنى ينفذولي طلبي بعد ما موت.
هل أنت مع أو ضد تطبيق زواج المسيار بمجتمعنا السوري ؟؟؟

اكيد ضد شو هالزواج هاد .!!!!!!!!!!
مع عمليات الشفط للمراة السمينة ؟؟؟؟؟

طبعاً مع وبشكل عام أنا مع كل عمليات التجميل اللي ممكن يحتاجا الإنسان لتحسين شي بجسمو مسببلو أذى نفسي والسمنة من أكتر الأمور المسببة للاكتئاب الحاد .
وأنت ؟؟

انا بصراحة ضد يلي سمينة تعمل رجيم قاسي بينما الشفط بصراحة كتير عم اسمع انو خطر وممكن يسبب الوفات
مع الزواج المبكر للفتاة (يعني تحت سن ال15 )؟؟؟؟؟

أعووووووووذ بالله أنا ضد مليار بالمية أصلاً اللي هلأ بزوج بنتو بهالعمر بتمنى يتعاقب بالقانون وينحكم بالسجن .
مع ولا ضد أنو المحكوم بحكم جنائي ينحرم من كل حقوقو المدنية بالدولة ؟؟