هل انت مع ام ضد ؟؟؟؟؟؟؟

مع النووووووووووووووووم عند التعب والسهر عند النشاط
مع السفر وللا ضد للعمل

إذا السفر للعمل أفضل الحلول أنا معو أكيد شرط ما يكون دائم لكن مؤقت
مع ولا ضد الصراحة( المطلقة) بين الزوجين؟؟؟؟؟

صراحة بس ما في داعي تكون مطلقة
وانت ؟؟؟؟؟

والله وأنا من رأيك كمان هههههههه لأنو الصراحة في بعض الأحوال ما بتقدم أي فائدة سوى المشاكل اللي ما ألها مبرر وعلى حساب أمور أكبر وأهم بس ما بعرف إذا أنا بقدر خبي شي مستقبلا

مع ولا ضد أنو تشتغل بنتك بفن راقي متل راقصة الباليه أو لاعبة جمباز ؟؟

ممكن مع بس لحد العشر سنين فقط مو اكتر (كرمال تبقى محافظة عرشاقتها )
مع مع زواج الاقارب ولا ضد؟؟؟

والله أنا ما بفضل ، بس مو ضد في حال التنين القرايبين حبوا بعض يعني مو زواج عن طريق الأهل وبس .

مع ولا ضد أنو شامو بإذن الله بكرى بس تكبر تقلكن ما بتزوج لوصار عمري فوق التلاتين غير إذا لقيت اللي بحبو
هههههههههههههه نسيت أنو هاللعبة للكل هههههههههههههه

اكيد ضد شو عكيفها تحب وما تحب بس اكيد ما بغصبها على شي
مع تقارب العمر بين الزوجين ؟؟

أول شي زعلت منك يا أم شاموووو لأنو إذا الحب مو عكيف الإنسان نفسو وأهم حق من حقوقو لكن عكيف مين ؟؟ أهلو؟؟ قال بكرا شامو بتطفش من عندكن وبتجي لعندي بتشكيلي معاناتها من الحب ومنكن أنت وأبوها خخخخخخخخخ

منرجع للسؤال : والله أنا كتير بستفزني أنو يتحول الحديث الجدي لمزح وتنكيت بحسو دليل على لامبالاة الطرف اللي بيمزح وبيفقد الحديث أهميتو والغرض منو رغم أني كتير بحب المزح والضحك بوقتو وبجوو.

مع ولا ضد فكرة اختيار الإنسان لدينو أياً كان هذا الدين ؟؟

ماقلتلك انا ما بغصبها بس في شي اسيمه عقل هي احتمال بوقتها تكون عاطفتها وحدها المتحكمة فيها فلازم يكون في مين تحكيلوا وتستشيروا وبفضل اكيد كون انا هاد الشخص واكيد ياريت تفشلك قلبها بس مو تحرضيها علي ايوااااا(ولتجي البنت منصلي عالنبي )
وبالنسبة لسؤالك فالكلام يطول لا جوااب
مع الزواج بفتاة اكبر من الرجل ؟

هههههههههههههههههههههههههههه لأ اتطمني ما لح حرضا عليكي ولوووووو وانشالله بتجيبي أحلى بنوتة يا رب وبتكبر وبتحب واللي بدك ياه
إذا في فارق عمر كبير أكيد لأ لأنو الفارق لح يكون ظاهر بكل النواحي الجسدية والمعنوية والنفسية بس حتى بهالحالة في استثناءات ولو كانت قليلة ( رغم أني مو معا )، بس إذا فارق ضئيل بالعمر وفي حب وتفاهم طبعاً مافي أي مانع .
مع الانتماء للأمة العربية ولا لسورية الكبرى من اليونان وتركيا وسورية ولبنان وفلسطين والخ

شو هالسؤال هاد
انا مع الانتماء لطبخة الكوسا محشي
ههههههههههههه
مع انو يعملوا قانون لمنع الملاهي الليلية في سوريا وللا لاء؟

ياريت اكيد مع
مع الغاء قنوات الاغاني والفيديو كليب الحالية؟؟؟

شو ما عجبك سؤالي سامر أفندي ولا مو قد المقام لا يكون ههههههههههههههههه
لأ مو مع إلغاء قنوات الأغاني أنا مع الرقابة عالأغاني نفسا

مع فرض اللغة الانكليزية لغة رسمية إضافة طبعا للعربية؟؟

اكيد مع والله
مع اعطاء الطفل في سن العاشر او اكثر بقليل جوال ؟؟؟؟؟

لأ أنا ضد يكون ألو موبايل (مستقل دائما معو) تمااااااماً بكره علم ولادي عهالمظاهر التافهة وأحرقلو طفولتو

مع ولا ضد ( إلغاء) قانون (تبرئة) الرجل الذي يقتل أموأو أختو أو إحدى قريباتو إذا شاهدها في حالة زنا ؟؟

انا اكيد مع وحتى مع منع بيع التدخين بشكل عام ..........الله يهدينا ويهدي المدخنين
مع الزواج بمن يقلك بالحالة المادية والثقافية؟؟؟؟؟؟؟

أنا ضد تماماً الزواج من شخص أقل مكانة خصوصاً من الناحية الثقافية وخصوصا أيضاً في حالة زواج المرأة برجل أقل منها ثقافة أما بالحالة المعاكسة فمجتمعنا مليان للأسف برجال من ذوي مكانة ثقافية عالية وزوجاتهن لا يفقهون إلا بالعمل بالمنزل وبعتبرها حالة مو صحية أبداً لكن موجودة بكثرة .

مع ولا ضد سفر البنت لوحدها للدراسة خارج البلد ؟

والله ما كتير مع لانها تبقى فتاة
مع ولا ضد المسلسلات التركية ؟؟؟

لأ مو ضدها أبداً رغم أنو ما أنا ما كتير بحبها
مع ولا ضد أنو الابن أو البنت يحملوا كنية أمهن وأبوهن مع بعض ؟؟

كيف يعني مع بعض ما فهمت ؟؟؟؟؟
مع احضار مربية لطفلك ؟؟؟؟؟

ببريطانيا مثلاً القانون بيسمح بأنو الأم تعطي كنيتها لولادا إذا بدها ، فبتصير كنية الابن مؤلفة من كنية أمو وكنية أبوه وبيعتبروا هالشي نوع من إعطاء المرأة حقها الكامل بأولادا ومساواتها مع الرجل . فشو رأيك أنتي بهالقانون أم شامو ؟؟

أعوذ بالله أنا من أشد المعارضين لهالشي والأولاد مسؤولية الأم والأب أولاً وأخيراً

اه تمام والله يا صديقتي انا ما كتير بحس الموضوع مهم يعنيب برايي الواجب انو الاولاد يتبعوا لكنية الاب وذلك لمصلحتهم وهو حق لهم وفخرا لهم ايضا فلا داعي لاعطاءنا حقنا من هذه الناحية فقط بل هناك نواحي اهم بكثير يا ليتهم يعطوننا حقنا فيها
مع ولا ضد الخادمة في المنزل ؟؟؟؟؟؟؟

وأنا معك بالرأي الأول ومعك حق أما من ناحية الخادمة فأي أنا معها إذا الظرف المادي بيسمح وخصوصاً إذا الزوجة بتشتغل برا البيت .
مع ولا ضد أنو الطفل يتفرج عمسلسلات الكبار؟؟

مسلسلات الكبار انو يعني ؟؟؟؟؟؟
انا بصراحة ضد انو الطفل يتفرج على على كل شي عم يطلع حاليا وخاصة دون مراقبة الاهل يعني لوحده
فالافضل اذا بدو يتفرج على اي شي يكون بوجود الاب او الام لانو عنجد عم تنزع ترباية الطفل
مع انو الشب يعيش لحاله بعد سن العشرين؟؟

طبعاً ضد مافي أحلى من العلاقة الأسرية القوية بس أنا مع أنو تتغير أصلاً طريقة التربية الخطأ كلها غالباً بمجتمعنا اللي بتخلي الولد ما يسدأ أيمتا يبعد عن أهلو .

مع أنو الزوجة تعيش مع بيت حماها أو العكس ؟؟

والله انا ما كتير مع وما بفضل مشان نضل حباب بس في حالات شوي خاصة يعني انو الاب متوفي او العكس فيعني ممكن شوي الواحد يتساهل
وانت ؟؟؟؟؟؟؟؟يا جكرك

ههههههههههههههههههه اطمني جكارة فيكي ما لح أتجاكر خخخخخخخخخخخخخ
وأنا بوافقك الرأي أنا مو مع تفادياً للمشاكل والحساسيات اللي أكيييييييييد لح تصير بين الكنة أو الصهر مع الأهل بس متل ما قلتي في حالات استثنائية .
مع عمليات التجميل ولا ضد؟؟

ضد وبشدة الا في حالات مرضية الله يعافينا لاني ما بشوفها عمليات تجميلية بل على العكس عمليات تخريببة
وانت يا حلوة ؟؟؟؟؟؟

أنا مع عمليات التجميل اللي بتحسن كتير من شكل عضو ممكن يكون مأثر على شكل وجمالية الوجه أو الجسم مثلاً متل عمليات تجميل الأنف ولأنو في كتير أشخاص هالعمليات بترفعلهن روحهن المعنوية والنفسية وهدول كتييييييييير شفت متلن بالواقع بس أنا مو مع المبالغة أو لمجرد الموضة .
مع ولا ضد أنو المرأة تورث نفس مقدار ميراث الرجل بحكم تغير الزمن والظروف؟؟

ضد لأن في قانون الهي اعطى المرأة حقها في الميراث وأعطى الرجل حقه
والله أدرى بحاجات الرجل وحاجات المرأة وقسم التركة لكل شخص حسب ما يستحق
مع وللا ضد تغيير اللباس المدرسي ؟

أنا كنت حب اللباس القديم وبتمنى يرجعوه لأنو يقال أنو إسرائيل كتير كانت تعتبرو مظهر مستفز جداً ألها وكأنو الأجيال الجديدة عم تتجند للحرب بالتياب العسكرية . بعدين من كتر مو مدارسنا بيلبقلا الألوان الفاتحة ما شا الله !!!!!!
وأنت ؟؟

وأنا كمان بحب اللبس العسكري
وبموت فيه أحلى من لبس الجدبان هاد
مع وللا ضد الارشاد النفسي بالمدارس؟